ဒေါနန့် မောနန့် ကျောင်းကပြန်လာရေ သားကိုတွိလိုက်ရလို့ အဖသယ်က…
“အဝေ… ပုမောင် မတ်အစော်ဖြစ်လာရောင်”
“မောင်ကို.. မခံနိုင်အောင် ဝိုင်းစကတ်လို့”
“မတ်ကို အစော်ပသျှောင် စလိုက်လို့ ယေ့ပချောင် ဒေါသထွက်လာရစော်ရောင်”
“မောင်ကို.. ဂျပုလို့ဆိုရေ.. ဝတ်ပုတ်လို့ ဆိုရေ.. အပြီးကေ ကုလားလို့ဆိုရေ.. မောင် ကောင်းဒေါသဖြစ်တေ..အဘာ.. ယကေလေ့ သူရို့တိနန့် ရန်မဖြစ်ခ.. မောင်.. သဘောထား ပြည့်ဝပါရေ..”
“အဝေ.. ငါ့သား မတ်.. အဂယောင့် သဘောထားပြည့်ဝယင့်လား..” အဖသယ်က သားကို ပြန်မိန်းလိုက်တေ။
ပြောယင်း..ဆိုယင်းနန့် အဖသယ်က ဇလုံတလုံးကိုယူလို့ သားလက်ကိုဆွဲပနာ ပင် လယ်ဖက်ကိုခေါ်ယူခရေ။ ကမ်းခြီကိုရောက်တေခါ ဇလုံကို ရီအပြည့်ဖြည့်လိုက်ပနာ သားသယ် ရှိမာ ယင်းဇလုံကို ချထားလိုက်တေ။ အပြီးကေ ယင်းဇလုံထဲကို ကျောက်ခဲတလုံးပစ်ထည့် လိုက်တေ။ ယေခါ ဇလုံထဲက ရီတိစော် အပြင်ဖက်ကို မိတ်(ဖိတ်)ကျလားရေ။ အပြီးကေ ယင်းထက် အင်တိုင်ချေကြီးရေ ကျောက်ခဲတလုံးနန့် ပင်လယ်ထဲကို ပစ်ထည့်လိုက်ပြန်ရေ။ ပင် လယ်ရီပြင်မာ လှိုင်းကြက်ခွပ်ချေတိ ပေါ်လာပြီးကေ တနားချေအတွင်းမာ ငြိမ်ကျလားခစော်ကို တွိလိုက်ရရေ။
ပြီးကေ သားဖက်ကိုလှည့်ပနာ…
“အဝေ.. ငါ့သား.. မတ်..စိတ်သဘောထား အဂယောင့်ပြည့်ဝရေ ဆိုစော်မှန်ယင့်လား.. တခြားလူတိက အမတ်..စိတ်ထဲကို ကျောက်ခဲမှုန့်စိချေတလုံးနန့် ပစ်ထည့်လိုက်ဟာကို မတ်..က အစော်ဖြစ်လို့ ဇလုံထဲက ရီပိုင် အပြင်ကို မိတ်(ဖိတ်) ကျလာရစော်လဲ”
လီ.. လာဗျာလ်..
ဝါးပင်တိ လီတိုက်ခံရလို့ ယိုင်လားကတ်ဗျာလ်..
လီ.. ငြိမ်ဗျာလ်..
ဝါးပင်တိ ပြန်ထောင်မတ်လာကတ်ဗျာလ်..။
တိမ်.. လာဗျာလ်..
ကြည်လင်ရေ ကန်ရီပြင်ကို တိမ်ဖုံးလားခဗျာလ်..
တိမ်.. ပြယ်ဗျာလ်..
ကန်ရီပြင်မျက်နှာ ပြန်ကြည်လင်လာဗျာလ်…
လီတိုက်ခံရတိုင်း ဝါးပင်တိ ပြန်မထောင်ဗျာလ်လား..?
တိမ်ဖုံးခံရတိုင်း ကန်ရီပြင် မကြည်လင်နိုင်ဗျာလ်လား..?
စိတ်သဘော ပြည့်ဝရေ လူဆိုစော်…
တခြားလူတိပြောရေ ရိုင်းစိုင်းရေ စကားတခွန်းကြောင့် သူ့စိတ်ကို လှိုင်းမုန်တိုင်း မထန်စီနိုင်..။
တခြားလူတိပြုမှုရေ ရိုင်းစိုင်းရေ အပြုမှုတိကြောင့် သူ့စိတ်ကို အမုန်းရန်ငြိုးတိနန့် မဖုံးလွမ်း စီနိုင်..။
နိုင်းနိုင်းစနေ ရီးသားချက်ကို ရခိုင်လီသံနန့် သင့်တင့်လျှောက်ပတ်အောင် ပြန်ရီးပါရေ။
ဖိုးခေါင်
၆၊၄၊၂၀၁၁
နယူးဒေလီ
အိန္ဒိယနိုင်ငံ။
No comments:
Post a Comment