သူရို့ဘဝ

ရို့အိမ်ရှိက နိ့စိုဉ်ရက်ဆက်
ဝါးတောင်ကြီးထက် ဘလစတိုက်ဘုံးနန့်
ရီနံတောင်ကိုနိ့စိုဉ် တက်ရေမသျှေတိ
ရက်တိရာကြာလာရေ
မဲပြာကဆိုးထက် ပိုမဆင်နိုင်ဝါ။

ရို့အိမ်နောက်က နိ့စိုဉ်ရက်ဆက်
နွားဂါရီထက် ရီနံဘုံးနန့်
ဆိပ်ကမ်းလားကတ်တေ ယောက်ျားတိ
လတိရာကြာလာရေ
လူမွီး လူရောင်လည်း မပြောင်ဝါ။

တနိ့ ...
ခရီးလားယင်းနန့်
ဗဂျီကားတချပ်ကို တွိလိုက်ရရေ။

ရော်...
မြောက်ဦးမြို့လားချင့်?

ပဲရစ်မျော်စင်လား?

ထော...
ဟိုနားမာ ယောက်ျားတိ မ၊မတိ
ဓါးကိုင်၊ ဝါးခွတ်၊ အုန်းပျစ်လို့
မြောက်ဦးဘုရားတိပိုင် ဟိုတစု ဒေတစု
တဲတိထိုးလို့
ရီနံတူးဖို့ဆိုဝါ။

ထော...
ဒေနားမာ လူတိ
သတ်တုတ် ဂဟေဆက်
ချွေးစစက်နန့် မျှော်စင်ယက်လို့
ဂက်စ် ရှာဖို့ဆိုဝါ။

ဝတ္ထုထဲက လှည်းငါးရာကုန်သည်ပိုင်
နွားဂါရီထက် ရီနံဘုံးနန့်လားရေယောင်္ကျားတိ
သျှင်လောင်းလှည့်ပိုင် ဝါးတောင်းရွက်ရေမသျှေတိ
ဇာတီဘုရားပိုင် တဲဆောက်ရေလူတိ
ပင်လယ်ရီထက် မျှော်စင်ယက်ရေလူတိ
သူရို့ဆန်အိုးထဲမာ စားစရာဆန်မဟိ
သူရို့ဘ၀မာ လျှပ်စစ်မီးဆိုစွာနတ္ထိ
ဂက်စ်မီးဖိုဆိုစွာ သူရို့မသိ ...

တဲစုတ်ပြိုမာ မီးခွက်ညိုနန့်
သူရို့ဘဝကို ချွေးသိပ်နီလီယင့် ...

သြော်...
သူရို့တိဘဝအမောပင် ပြေလီယင့်လား။

သီရိစောခြိမ့် (သဇင်ပျို)