မေမေကို ချစ်တေ

မေမေ..
“မေမေ” လို့ ခေါ်ခွင့်ပြုပါ..
“မေမေ” ဆိုစော် အသူမှန်း၊ ဇာပိုင်ပုံစံမှန်း သား မသိကေလေ့
မမြင်နိုင်ရေ ဟိုးအနက်သျှိုင်းဆုံးနေရာချေမာ
သား အမြဲတမ်းတောင့်တမျှော်လင့်နိန်ခဖူးရေ
“မေမေ” စော် အမြဲတမ်းသျှိနိန်ခပါရေ။
ယကေလေ့..
သား တခုတော့ကေ သိပါယင့်..။
မေမေက သားကို မချစ်ဆိုစော်ကိုပါ။
ဇာအတွက်ကြောင့် သား ယင်းပိုင်ပြောရလေဆိုကေ
လူ့ဘဝထဲကို ဝင်ရောက်ခါစ နနီရရဲ ရက်သားချေအရွယ်ကတည်းကပင်
သားကို စွန့်ပစ်ခရေအတွက်ပါ။

သားသိတတ်စအရွယ်ခါကပင် သူများတိက သနားတတ်တေ မျက်ဝန်းတိနန့် သားကိုကြည့်ဗျာလ် အမြဲတမ်းပြောကတ်ပါရေ။ သားအမြဲတမ်းကြားခရပါရေ။

“ ဟေး.. ဟိုမာ အချေတယောက်ကြည့်ဇမ်.. ဇာပိုင်ချစ်ဖို့ကောင်းလေချင့်..
ပါးချေတိ အအို့ချေနန့်.. ကြည့်ဇမ်..ကြည့်ဇမ်.. ရယ်ပြနိန်ထော.. ပချိုင့်ချေတိနန့်..”

ယင်းပိုင် အသံတိကို အဂုချိန်ထိသားကြားတိုင်း.. သား ငိုချင်လာမိပါရေ..။
သူများတိက သားကိုဇာလောက်ပင်ချစ်ဖို့ကောင်းရေလို့ ပြောလီကတ်ပတ်စီ..
သားချစ်တေ မေမေက သားကို မချစ်ခ။ ရရက်စစက်ဝေးသတ်ပခရေ။ သူများတိပါးမာ
တသက်လုံးမျက်နှာငယ်ရအောင် သားကို ရရက်စစက်ထားပခရေ။
သားမာ ဇာအပြစ်သျှိလို့ပါလေ..သားကိုဇာကြောင့် ဒေပိုင်ဝေးပခရစော်ပါလေ..
သား မိန်းချင်ပါယင့်…။

သားရို့ကို စာလာသင်ပီးရေ ဆရာမကတော့ခါ ပြောပါရေ..

“ဇာမိဖမဆို ကိုယ့်သားသမီးကို မချစ်ဆိုစော် မသျှိ” ဆိုပါကာ..

ဟုတ်ပါယင့်လား..။ မေမေလဲ သားကို ချစ်ခပါလား..။
ယင်းပိုင် စကားမျိုးတိကို သားမကြားချင်ပါ။ သားလုံးဝ မကြားချင်ပါ။
ယင်းပိုင် စကားမျိုးတိကို ကြားတိုင်း သားရင်ထဲမာ မခံစားနိုင်ပါ..။
သား အားရပါးရအော်လို့ ငိုပလိုက်ချင်ပါရေ..။

သားရို့ဆရာတော်ကတော့ခါ ပြောပါရေ..

“ ယောက်ျားဆိုစော် အလွယ်ချေနန့် မျက်ရည်မကျရပါလတ်”

ယင်းအတွက်.. သားကို ငိုခွင့်မပီးပါကေ့..။ သား… သား.. မငိုချင်လို့ပါ..။

ယကေလေ့..
ဒေစာကို သားရီးနိန်ရေ အဂုချိန်မာ
ရီတံခွန်ကရီတိ အဆက်မပြတ်ဒလဟောစီးဆင်းနိန်ရေပိုင် သားမျက်ရည်တိ..
အထိန်းအကွပ်မသျှိလိုက်ပါဗျာလ်။
အဝီးတနိန်ရာက ဆရာတော်သိလားခလို့ ကြိမ်လုံးအကြီးမားသန် တချောင်းနန့်
လာဖို့ဆိုကေလေ့ လာပါပတ်စီဖိ။ သားကို သတ်လီပါပတ်စီဖိ။

မေမေ..
မေ..မေ…… …. … လို့
အားရပါးခေါ်ပြီးကေ မေမေ့ရင်ခွင်မာ တကြိမ်တခါချေလောက်
သားကို နားခိုခွင့်ပီးပါ။ သားကို နနွီးထထွီးကြိုဆိုပီးပါ..။
ဇာအတွက်ကြောင့် သားကို လူလောကထဲမာ တယောက်တည်းဖြစ်အောင်..
အထီးကျန်ဖြစ်အောင်.. တကောင်ကြွမျက်နှာငယ်ဖြစ်အောင်
ရရက်စစက် ဝေးပခရစော်ပါလေ.. မေမေ့ရင်ခွင်ဂေါင်းချေမှီလို့ တတိုးချေမိန်းခွင့်ပြုပါ…
သားကို ဇာကြောင့် မချစ်ခစော်ပါလေ..။

အဂုပိုင်လူ့လောကထဲမာ သားသိမှတ်လာရခါ..
“အမိများနိ” ဆိုရေ နိ့ရက်ချေတခုကို သား ကျော်ဖြတ်ကြုံတွိလာရပါဗျာလ်..။
နက်ဖြန်ခါဆိုကေ “အမိများနိ့” ဆိုပါကာ.. သူများတိပြောနိန်သံကိုကြားနိန်ရပါဗျာလ်..
သား ဝမ်းနည်းမိရေ.. သားမာ.. သားမာက “မေမေ” မသျှိ။
ယင်းနိစော် သားနန့် မဆိုင်ရေ နိ့တရက်ပါ။ သားနန့် လုံးဝမဆိုင်ရေ နိ့တရက်အဖြစ်
ရာသက်ပန်အတွက် သားသတ်မှတ်ပလိုက်ရပါဖို့ဗျာလ်..။

မေမေ့ရင်ခွင်မာ မှီပြီးကေ မေမေ့ပဇက “သားချေ” လို့ခေါ်ရေ အသံချေတခု
စကားချေတခွန်းကို ဒေတသက် သားကြားနိုင်ခွင့်သျှိဖို့မဟုတ်ပါဗျာလ်..။

အချေခါကပင် အိမ်မက်တိထဲမာ မြင်မက်ခရေပိုင်
သားမာ မျှော်လင့်ချက်တခုသျှိပါရေ…
မိဖနှစ်ပါးကြားမာ ဘယ်ဖက်လက်ချေက သားချစ်တေမေမေ့လက်ချေကိုကိုင်ပြီးကေ
ညာဖက်လက်ချေက သားဘဝကို သွန်သင်လမ်းညွန်ပဲ့ပြင်ပီးဖို့ သားကိုချစ်တေ ပါပါလက်ချေကိုကိုင်လို့ လှမ်းလျှောက်ပလိုက်ဖို့ဆိုရေ မျှော်လင့်ချက်ပါ..။

အဂုတော့ခါ သားရည်မှန်းချက်တိ.. သားမျှော်မှန်းချက်တိ ဇာခါလေ့ ပြည့်ဝလီဖို့မဟုတ်ပါဗျာလ်…။
သားရည်မှန်းချက်၊ မျှော်မှန်းချက်တိကို ဖျက်ဆီးဖို့ ကြိုးစားနိန်ကတ်တေ
သားခန္ဓာကိုယ်ထဲက အရိုးကင်ဆာဆိုရေ သီမင်းတမာန် ဝေဒနာဆိုးက လူ့ဘဝထဲကနိန်
သားကိုခေါ်ယူဆွဲထုတ်လားဖို့ အချိန်ပိုင်း၊ နာရီပိုင်း၊ ရက်အကန့်အသတ်ပိုင်းရာသျှိပါဗျာလ်..။
ဒေအဂုသားစာရီးနိန်ရေအချိန်မာ သားခန္ဓာကိုယ် ဘယ်ဖက်ခြမ်းတခုလုံး
လှုပ်သျှားလို့မရလိုက်ပါယာ..။ ညာဖက်လက်ကလဲ စာရီးယင်း ကိုက်ခဲမှုဝေဒနာတိကို
အပြင်းအထန်ခံစားနိန်ရရေ ကြားက နောက်ဆုံးမျော်လင့်ချက်တခုအနိန်နန့် ဒေစာကို
သားရီးနိန်စော်ပါ..။ သားကိုစောင့်ကြပ်ပီးနိန်ကတ်တေ ဆရာမချေတိ အတန်တန် တားနိန်ကတ်တေကြားက သားကိုသနားလို့ သူရို့ခွင့်ပြုပီးကတ်စော်ပါ။

သားနောက်ဆုံးမျှော်လင့်စော်က..
အယင်က သားရည်မှန်းချက်တိ၊ မျှော်လင့်ချက်တိ မပြည့်ဝခရကေလေ့ ဒေစာချေကို
“အမိများနိ”မာ သားကိုမချစ်ကေလေ့ သားရင်ထဲမာ အမြဲတမ်း တမ်းတယင်း ချစ်နိန်ခရရေ
သားချစ်တေမေမေ ဖတ်ရပါစီ ဆိုရေ နောက်ဆုံးရည်မှန်းချက်ပါ..။

သား လူ့လောကမာ နိန်ခွင့်မသျှိပါဗျာလ်..
သား ဆန္ဒတိ မပြည့်ဝနိုင်ပါဗျာလ်..
မေမေ့ကို သားမျက်စိထဲမာ အမြဲတမ်းပုံဖော်ကြည့်ခကေလေ့ မေမေ့မျက်နှာချေကိုတောင်
တခါလေ့ ပုံဖော်လို့ မရခဖူးပါ..။
ယကေလေ့.. သား မေမေကို ချစ်ပါရေ..။

ဒေဘဝမာ မေမေ မသျှိခကေလေ့ နောက်ဘဝအဆက်ဆက်တိမာ မေမေသျှိရေ၊ မေမေ့မိတ္တာ
နန့် နွီးထွီးရေ မေမေ့ရင်ငွီအောက်မာ မွီးဖွားကြီးပြင်းလာရရေ လူတယောက်ဖြစ်ရပါလို၏။
သားကိုချစ်တေ မေမေ့အနားမာ ထာဝရနိန်ခွင့်ရရေ သားတယောက်ဖြစ်ရပါလို၏ လို့..
သား ဆုတောင်းခပါရေ။

မေမေ ကျန်းမာပါစီ..။
မေမေ ပျော်ရွင်ပါစီ..။
မေမေ စိတ်ချမ်းသာ ကိုယ်ကျန်းမာလို့ သားကို သတိရနိုင်ပါစီ..။

သားမေမေကို ကကောင်းချစ်ပါရေ..။
သား..မေ..မေ ကို ကကောင်းချစ်ပါရေ..။
သား.. .. မေ…. မေ.. ကို.. ကကောင်းချစ်…ပါ..ရေ..။


လူ့လောကမာ လူလို့ဖြစ်လာကေ အမိနန့်အဖ ဆိုစော် သျှိုစမြဲပါ..။ သားသမီးတိအတွက်
အရိုးကြီကြီအရီခန်းခန်း မိဖဆိုရေ မိတ္တာတရားနန့် သားသမီးတိအတွက် မြင့်မိုရ်တောင်မက
ကျေးဇူးတရားကိုပီးကတ်ပါရေ..။ ဇာလောက်နက်သျှိုင်းရေ ကျေးဇူးတရားတိပါလေနန်း..။
သားသမီးတိဇာလောက်အဝီးမာ ရောက်နိန်ကတ်လီပါတ်စီ “ငါ့သားချေတိ၊ ငါ့သမီးချေတိ.. ကျန်းမာကတ်ပါစီ..ချမ်းသာကတ်ပါစီ.. လူချစ်လူခင်ပေါများနိုင်ကတ်ပါစီ.. ဘေးအန္တာရာယ်ခပ်သိမ်း ကင်းဝီးလွန်မြောက်နိုင်ကတ်ပါစီ..” ဆိုပနာ ဆုတောင်းမိတ္တာပို့သယင်း သားသမီးချေတိမျက်နှာကိုမှန်းဆယင်း ငါ့သားချေ ဇာအချိန်ပြန်လာဖို့လဲ.. ငါ့သမီးချေနန့်ဇာအချိန်ပြန်တွိရဖို့လဲ.. ဆိုရေ မိဖတိရင်ထဲက တတိုးတတိတ် မိတ္တာတရားတိကို ဇာသားသမီးနားလည်နိုင်ပါဖို့လဲ..။

အပြီးကေ ..
ဖတဆိုး၊ မိတဆိုး အဖြစ်နန့် ကြီးပြင်းလာကတ်ရရေ သားသမီးတိအတွက် ဆိုကေလေ့
အမိဖြစ်တေသူ (ဝါ) အဖဖြစ်တေသူက အမိပိုင်တမျိုးအဖပိုင်တမျိုး မိဖဆိုရေ တာဝန် ဝတ္တရား နှစ်ခုလုံးကိုထမ်းဆောင်းယင်း ငါ့သားချေ ငါ့သမီးချေတိ လူနန့်သူနန့်တူဖို့ လူတောသူတောမာ
ရုန်းကန်ရှင်သန်နိုင်အောင် ခြင်ချေတကောင် မှက်ချေတကောင်မကျရလီအောင် သားသမီးတိကို လက်တစုံတည်းနန့်မလုံကေ လုံခြုံအောင် အမျိုးအမျိုးဆင်းရဲဒုက္ခတိကို သားသမီးချေတိ မမြင်ရလီအောင် သားသမီးတိရှိမာ မျက်နှာတခါ မပျက် ကြိုးစားရုန်းကန် ပီးခကတ်တေ အမိ(ဝါ) အဖ ရို့တိ ရင်ထဲက တတိုးတတိတ်ဆန္ဒတိကိုလဲ ဇာသားသမီးတိ အဆုံးစွန် နားလည်နိုင်ကတ်ပါဖို့လဲ..။

ယကေလေ့..
မိဖဆိုစော်ကို ဇာမှန်းမသိရေ.. သားသမီးတိ.. အမိဆိုစော် ဇာပိုင်စော်မျိုးလဲ.. အဖဆိုစော် ဇာပိုင်စော်မျိုးလဲ မှန်းဆပုံဖော်လို့မရကတ်တေ သားသမီးတိအတွက် … ကောင်းမွန်ရေ မိတ္တာတရားချေတခု အဆုံးစွန်ထိလိုအပ်နိန်စော်က အမှန်ပါ..။ အသက်သီဆုံးလားရေအထိ သူရို့ချေတိ ရင်ထဲက တိတ်တခိုး ကြွီကွဲမှုချေတိကိုဘာဝါ ဇာမိဖတိက ကိုယ်ချင်းစာလို့ အဆုံးစွန်ထိ မြင်နိုင်ပါဖို့လဲ..။ အကြောင်းအမျိုးမျိုးဆိုရေ အကြောင်းတရားတိအောင်မာ နာကြင်ကြွီကွဲမှုတိကို အသက်နန့်ထပ်တူယူဆောင်ထမ်းပိုးလားနိန်ရရေ ဘဝချေတိကို အသူတယောက် အဆုံးစွန်ထိနားလည်သိသျှိခံစားပီးနိုင်ကတ်ပါဖို့လဲ..။

ယင်းအတွက်..
ဒေကမ္ဘာကြီးတည်မြဲနိန်သရွိ..
မိဖမသျှိရေ သားသမီးတိ ဒေကမ္ဘာကြီးမာ ကင်းဝီးပါစီ..။
အဖသျှိကေလေ့ အမိမသျှိရေ သားသမီးတိ ဒေကမ္ဘာကြီးမာ ကင်းဝီးပါစီ..။
အမိသျှိကေလေ့ အဖမသျှိရေ သားသမီးတိ ဒေကမ္ဘာကြီးမာ ကင်းဝီးပါစီ..။
တကောင်ကြွတမျက်နှာဘဝနန့် မမြင်နိုင်ရေ ဟိုးအနက်သျှိုင်းဆုံးနီရာချေကေ တတိုးတတိတ်နာကြင်ကြွီကွဲမှုအပေါင်းနန့် ဘဝလောကဓံကို ကြကြံ့ခံနိန်ကတ်ရရေ သားသမီးတိ ဒေကမ္ဘာကြီးမာ တဖြည်းဖြည်းကင်းဝီးကတ်ပါစီ..။

ဝီးရပ်မြီက မွီးမိခင် စိတ်ချမ်းသာကိုယ်ကျန်းမာပါစီကြောင်း စိတ်မာရည်မှန်းဦးခိုက်ယင်း..
“အမိများနိ” အမှတ်တရ..။


ဖိုးခေါင်
၇.၅.၂၀၁၁
India Time: 1:15 AM