သုံးတန်းနှစ်ကနိန်စလို့ ကောင်မချေတယောက်ကို ကြိုက်ခဖူးပါသည်။ သူ့နာမေနန့် ကျွန်တော်ကို သငယ်ချင်းတိက ဝိုင်းလို့စတိုင်း ကျွန်တော် ပျော်ခဖူးပါသည်။ ယင်းအချိန်က ရည်းစားစာမရီးတတ်သိပါ။
- ၆ တန်းနှစ်မှာစလို့ ရည်းစားစာရီးခဖူးပါသည်။ ယကေလေ့ မပီးဖြစ်ခပါ။ ယင်းစာကို အိမ်က ဖမ်းတွိလားခပါသည်။ ကျွန်တော်ပါပါက မိသားစုတိဝိုင်းလို့ ထမင်းစားချိန်မှာ ကျွန်တော့်ကို အနားကထိုင်ခိုင်းပြီးကေ ယင်းစာကို အသံအကျယ်ကြီးနန့် ကျွန်တော့်အခင်ချေကို ဖတ်ခိုင်းပါသည်။ စာအဆုံးမှာ မိသားစု တိအားလုံးဝိုင်းပနာ အားရပါးရရယ်ကတ်တေအတွက် ကျွန်တော် ရှက်လားခပါသည်။ စာနောက်ဆုံးမှာပါရေ အကြောင်းအရာက “မင်း မေမေရို့ ပါပါရို့လဲ နီကောင်းကတ်ပါ ဇီလို့ ကိုယ်ဆုတောင်းလိုက်တေ” ဆိုရေ စာကြောင်းကို ကျွန်တော့ပါပါက ထောက်ပြပါသည်။
“ မင်းပါပါရို့မေမေရို့ကို ယင်းပိုင်တောင်တခါမပြောဖူးသိကာဝေ.. မောင်မောင် .. မင်းက ယောက္ခမတိကိုကျကေ ကောင်းသိတတ်တေကာ.. ” ဆိုပနာ ပြောပါသည်။ အပြီးကေ ဝိုင်းလို့ရယ်ကတ်ပါသည်။. - ၈ တန်းနှစ်မာ “ရှစ်တန်း” ဆိုရေအတိုင်း ရည်းစားတိထားတတ်လာပါသည်။ ယကေလေ့ တယောက်သောသူရာ ကျွန်တော်နန့် တရားဝင်ရည်းစားဖြစ်ခပါသည်။ ယကေလေ့ သူရေ ကျွန်တော့ဘဝအတွက် ရည်းစားဦးမဟုတ်ခပါ။ ပြောရပါဖို့သိ.. ယင်းအချိန်က ရည်းစားဆိုစော်ကို တရားဝင်ပထမဆုံးထားဖူးခရေ အချိန်ဖြစ်တေအတွက် တခုကိုလေ့မသိတတ်သိပါ။ သူနန့်ကျွန်တော် ရည်းစားဖြစ်စော် ကလေ့ သူ့ဘားကစာအုပ်ငှါးရေ သူ့စာအုပ်မှာ ရည်းစားစာထည့်ပီးရေ အပြီးကေ ကျောင်းကိုလာတိုင်း သူ့ခုံအောက်ထဲမှာ သူကြိုက်တေ နှင်းဆီပန်းတပွင့်စီပီးတတ် ပါသည်။ ယင်းချင့်ကနိန် တရက် စာအုပ်ထဲမှာ သူ့ဘားက ပြန်စာလာပါသည်။ အယင်လဲ စာသင်နိန်ချိန်တိမှာဆိုကေ သူနန့်ကျွန်တော် အပြန်အလှန် မျက်လုံးချင်း စကားပြောတတ်ကတ်ပါသည်။ သူနန့် ကျွန်တော် နှစ်ယောက်လုံးက ရှိဆုံးခုံတန်းမှာ အစဆုံးကထိုင်ရရေ လူနှစ်ယောက်ဖြစ်လို့ ကြားက လူလားလမ်းတခုရာခြားပါသည်။ ယင်းပိုင်နန့် တရက်နိန် သူကျွန်တော်ဘားက စာအုပ်တအုပ်ငှါးလားပနာ နောက်တရက်နိ ကျောင်းတက်ချိန် သူ့သငယ်ချင်းက ကျွန်တော်ကို ယင်းစာအုပ်လာပီးပါသည်။ သူ ယင်းနိန်က ကျောင်းမတတ်ပါ။ ရှက်လို့ထင်ပါသည်။ စာအုပ်ကို လှန်ကြည့်လိုက်တေမှာ စာရွက် ပန်းရောင်ချေတရွက်ထွက်ကျလာပါသည်။ ယင်းစာရွက်မှာ “ချစ်တေ” ဆိုရေ နှစ်လုံးတည်းသောအဖြေကိုပီးခပါသည်။ ယင်းနိ အတန်းထဲက သငယ်ချင်းတိကို လိုက်လို့ တတိုးတတိတ်ကြွားပလိုက်စော် ယင်းသူနောက်တရက်နိ ကျောင်းတက်လာစော်နန့် ကျွန်တော့်ကို အပြစ်တင်ပါသည်။ သူ့ကို အရှက်ခွဲရေဆိုပနာ။ ကျွန်တော် သူ့ကို ငါးမူးတန် ချစ်စရာ သကြားလုံး ရှစ်လုံးနန့် ပြန်ချော့ခရပါသည်။ ယင်းသကြားလုံး ရှစ်လုံးကို အားလုံးကုန်အောင် စားပလိုက်လို့ နှစ်ရက်လောက်ကျောင်းမတက်နိုင်ပဲဖြစ်လားပါသည်။ သူယင်းလောက်ထိ ယင်းအချိန်က ကျွန်တော့်ကိုချစ်တေဆိုစော် ကျွန်တော်သိခပါသည်။ ယင်းပိုင်နန့် တရက်နိ သူကို ကျွန်တော့အပြင်မှာတွိကတ်ဖို့ ချိန်းပါသည်။ ကျောင်းအားရေတရက်မှာ ကျွန်တော်ရို့ ရှုခင်သာလမ်းမှာသျှိရေ လက်ပံပင်အောက်ချေက် ပက်လက်ဖောင်းထက်မှာထိုင်လို့ နိခင်းကြောင်တောင် ချိန်းတွိကတ်ပါသည်။ ကုလားတန်မြစ်ဖက်ကိုမျက်နှာမူပနာ တယောက်နန့် တယောက်ကြား လူနှစ်ယောက်လောက်ထပ်လို့ဝင်ထိုင်လို့ရအောင်အနေအထားအထိ ကျွန်တော်ရို့ထိုင်ကတ်ပါသည်။ မမှတ်ရရ ယင်းနိက သူနန့် ကျွန်တော် စကားနှစ်ခွန်းပဲပြောဖြစ်ခပါသည်။ ယင်းနီရာကိုရောက်ခါ “ဒေနီရာမှာ ထိုင်ကတ်မေ” ဆိုရေစကားနန့် “ပြန်ကတ်ဖို့ဗျာလ်” ဆိုရေစကားနှစ်ခွန်းရာဖြစ်ပါသည်။ ယင်းစကားကို အသူကပြောလေဆိုစော်ကိုလဲ မမှတ်လိုက်ပါဗျာလ်။ ပြန်ကတ်ဖို့အထမှာ ကျွန်တော်သတိထားမိခစော်တခုက သူထိုင်ရေနိန်ရာနားက မြက်တောမှာ ကြက်မတဝပ်စာတောင်မကကျယ်ရေ အနိန်ထား မြက်တကွက် ကျင်းလားခပြီးကေ ကျွန်တော်ထိုင်ရေနိန်ရာဖက်က ကျောက်သီးတပုံ ရီထဲကို ကျလားရေဆိုစော်ကို သတိထားမိခပါသည်။ ကျန်ရေ မ,မချေနှစ်ယောက်ကတော့ခါ ကျွန်တော်စလိုက်နောက်လိုက်နန့် သငယ်ချင်း လဲမဟုတ် ရည်းစားလဲမဟုတ် မ,မချေတယောက်ဖြစ်ပြီးကေ ကျန်ရေ မ,မချေတ ယောက်က ကျွန်တော်ကို အသေအချာချစ်တေ၊ ကျွန်တော့ကို ကကောင်းအလိုလိုက် တေ မ,မချေတယောက်ဖြစ်ခပနာ၊ ကျွန်တော် အနိုင်ကျင့်သမျှကိုခံရေ မ,မချေတ ယောက်လဲဖြစ်ပါသည်။ ကျွန်တော်နန့် တရားဝင်ကြိုက်ခကတ်တေ မ,မချေက ကကောင်းသဝန်တိုတတ်ပါသည်။ သူယင်းပိုင်သဝန်တိုတတ်လွန်းအားကြီးလို့လဲ သူနန့် ကျွန်တော် လမ်းခွဲခကတ်ရပါသည်။ လမ်းခွဲရေဆိုစော်ထက် သူ့သဝန်တို စိတ်တိကြောင့် လုံးဝဖြေသျှင်းပြခွင့်မသျှိရေတဖက်သတ်စကားလုံးတိနန့် ကျွန်တော့် ကို နှုတ်ဆက်တာ့တာပြလားခပါသည်။ သူ့တဖက်သတ်စကားက မျက်နှာများရေ ဆိုပနာဖြစ်ပါသည်။
<!--[if !supportLists]-->- <!--[endif]-->ကျွန်တော် ကိုးတန်းနှစ် စာမေးပွဲဖြေလို့အပြီးမှာ အချစ်ဆိုစော်ကို ဇာမှန်းမသိသိကေလေ့ ခံစားမှုတခုကို ကျွန်တော့ရင်ထဲက တိတ်တခိုး အချစ်ဦးနန့်ပြန်ဆုံတွိမှ သိတတ်လာပါသည်။ သူရေ နယ်ကဖြစ်ပါသည်။ ကိုးတန်းနှစ်မှ သူနန့်ပြန်တွိခွင့်ရကေလေ့ သူရေ ကျွန်တော့ဘဝအတွက် အချစ်ဦးဖြစ်ခပါသည်။ သူ့ကိုမြင်လိုက်တိုင်း ကျွန်တော့်ခြီဖျားလက်ဖျားတိ အီးစက်လာပနာ ရင်ထဲမှာလဲ ဇာပိုင်ခံစားမှုမျိုးမှန်းမသိရေ ခံစားမှုတမျိုးတမည်ကိုခံစားတတ်လာပါ သည်။ သူ့ကိုတခြားအကောင်ချေတိ လိုက်စော် ရည်းစားစကားလိုက်ပြောစော်တိကို မြင်မိတိုင်း၊ ကြားရတိုင်း ဇာကိုဒေါသထွက်လို့ထွက်မှန်းမသိ ဒေါသထွက်တတ်လာပါ သည်။ ယကေလေ့ ကျွန်တော် သူ့ကိုရည်းစားစကားပြောဖို့ကြိုးစားလိုက်တိုင်း ကျွန်တော့် မသိစိတ်ထဲက တွိဝီမှုတိ၊ သူ့ရှိကိုရောက်လားတိုင်း ဇာစကားပြောလို့ ပြောရ ဖို့မှန်းမသိရေ ပုံစံမျိုးတိနန့် သူ့ကို ရည်းစားစကားဟုတ်တိပတ်တိမပြောခဖူးပါ။ ယကေလေ့ သူနန့်ကျွန်တော် မျက်လုံးချင်းဆုံဖူးပါသည်။ ယင်းပိုင်မျက်လုံးချင်းဆုံတိုင်း ပထမဆုံးမျက်လွှာချရေလူက ကျွန်တော်ဖြစ်ခပါသည်။ တခြားမ,မချေတိနန့် သမီးရည်းစားဖြစ်ခကေလေ့ ယင်းပိုင်ခံစားမှုမျိုးမသျှိခဖူးရေကျွန်တော်က သူနန့်ကျမှ ခံစားမှုတမျိုးတမည်နန့် ခံစားတတ်လာခြင်းဖြစ်ပါသည်။
နောက်ထပ်ဆက်ပါဖို့သိ…
ဖိုးခေါင်
၁၀.၆.၂၀၁၁
India Time:6:20PM
No comments:
Post a Comment