ကောင်ချေတယောက်က ကောင်မချေတယောက်ကိုပြောရေ “ငါစော် နင့် BF ပါ” လတ်။ ကောင်ချေပြော စော်ကိုနားမလည်ရေ ကောင်မချေက အပြစ်ကင်းစင်ရေမျက်နှာနန့် မိန်းရေ.. “ BF ဆိုစော် ဇာလေ? ”
ကောင်ချေက ပပြုံးရရယ်နန့် “ BF ဆိုစော် Best Friend ပါ” လို့ပြောရေ။
ယင်းပိုင်နန့် အရွယ်ရောက်လာကတ်တေခါ ကောင်ချေနန့် ကောင်မချေစော် ချစ်သူတိဖြစ်လားကတ်တေ။ ယင်း အချိန်မာ ကောင်ချေက ကောင်မချေကို ထပ်ပြောရေ.. “ ငါစော် နင့် BF ပါ ” လတ်။ ကောင်မချေက မခို့တရို့နန့် မိန်းရေ.. “ BF ဆိုစော်ဇာလေ? ”
ကောင်ချေက ကောင်မချေမိတ်ကို ကြကြင်နနာချေနန့်ကိုင်ပြီးကေ ဖြေရေ.. “ BF ဆိုစော် Boy Friend ပါ ” လတ်။
ယင်းပိုင်နန့် အရာနှစ်အင်တိုင်ချေလောက်ကြာရေခါ သူရို့နှစ်ယောက်လက်ထပ်ကတ်တေ။ ကကောင်းချစ်ဖို့ ကောင်းရေ အချေကိုမွီးခကတ်တေ။ ယင်းခါ ယောက်ျားဖြစ်တေသူက မယားသယ်ကိုပပြုံးချေနန့်ပြောရေ “ငါစော် မင်း BF ပါ” လတ်။ မယားသယ်က လောင်ဗွန်း၊ ဟင်းဇားတိကိုသိမ်းနိန်စော်က ကကြင်နနာနန့်ပြန်မိန်းရေ “BF ဆို စော်ဇာလေ?”
ယောက်ျားဖြစ်တေသူက အချေမျက်နှာကို ကြည့်ပြီးကေ ပပြုံးရရွှင်နန့် ပြန်ပြောရေ “BF ဆိုစော် Baby’s Father ပါ” လတ်။
ယင်းပိုင်နန့် သူရို့တဖြည်းဖြည်းအိုမင်းပါလတ်ကတ်တေ။ တရက် လင်မယားနှစ်ယောက် အိမ်ရှိကုလားထိုင်မာ ထိုင်လို့ ညနီခင်းအလှကို ကြည့်ရှုခံစားနိန်ကတ်တေ။ ယင်းအချိန်မာ အဖိုးဝါကြီးက ဝါကြီးမကို “ ဝါကြီးမ ငါစော် နင့် BF ပါ” လို့ပြောရေ။ မျက်နှာမာ အရေးအကြောင်းတိပေါ်နိန်ရေ ဝါကြီးမက “BF ဆိုစော်ဇာလေ ဝါကြီး?”
ဝါကြီးက အာကာထက်က ညနီဆည်းဆာအလှကိုမော်ကြည့်ယင်း အိုမင်းရင့်ရော်နိန်ရေအသံနန့် ပြန်ဖြေရေ..
“BF ဆိုစော် Be Forever ယေ” ….။
No comments:
Post a Comment